تعالــي نكتــب احكايــة جـــروح وسالفة قلبيــن = وزمان قاسي وظالم علينا يعقــد احجاجــــه
تعالــي نبتسم للوقت وننســـى طعنــة السكيــن = سجين الوقت والاحزان يجي له يوم افراجه
صباح البسمه اللي تحتضر في شفة الحلويـن = دخيلك تبتسم شفني طبيب الحزن وعلاجـــــه
تعالي برجي الميزان هوائي ما يحــب اثنيـــن = يحب اللي بنى في القلب قصر وشيد ابراجــه
واذا كان الحزن ساكن بقلبك يقسمه نصفيـن = ابي نصف الحزن منك اشيله منك محتاجــــه
انا ماهمني غيرك ولــو كل البشـــر مقفيـــن = اذا غبتي عن اعيوني كأنــي فاقدن حاجــــــه
واذا كان الزمن يطلب من احزانك بقايا ديـن = اسدد له بقايا الديـــن منتـــي لــه بمحتاجــــه
موضوع: سالفه //قلبين// 
السبت مارس 14, 2009 6:08 pm
